Согледувајќи ја потребата од итна примена на онлајн учење во наставата во сите образовни институции, училиштето Делфин постапи општествено и одговорно, давајќи придонес кон онлајн учењето и образованието во нашата земја.

Фактот, дека 95% од наставниците и професорите во државните образовни институции и во приватните училишта немаат никаква обука не наведе на овој чекор, да помогнеме, онолку, колку што можеме и умееме и несебично да го споделиме нашето знаење и искусто во онлајн учењето.

Нашето искуство во онлајн учењето датира од 2009 година, со делумна примена на ИКТ во наставата, додека од 2015 год. преминавме во целосно ОНЛАЈН ПРИВАТНО УЧИЛИШТЕ, ЕДИНСТВЕНО ВО МАКЕДОНИЈА. За поставување на оваа цел, потребна беше, пред се голема желба, труд, напор и познавања од информатичката технологија. Постојаната надоградба, посети на семинари, работилници, конференции и конгреси во земјата и во странство, доведоа до истражување на онлајн учењето, кое се потврди со докторска дисертација на управителот д-р Николче Шулевски.